Tohu BC
He kaupapa tēnei, arā ko Ngā Tohu Mātauranga Taketake hei whakamahi mā ngā hapori tangata whenua. He mea waihanga te kaupapa nei e aua hapori tangata whenua tonu, puta noa i te ao. Ko tā ngā Tohu TK, he whakamōhio i te hunga whakamahi, ko ēhea ngā taonga, he here ā-hapori e mau ana kia whai wāhi atu ki taua rawa, ā, me pēhea te whakamahi tika i aua taonga. Mā ia hapori āna ake Tohu BC hei whakatika ki tāna e whai ai, he tā āna tikanga ake. Hei takahi i taua huarahi, me uru ngā hapori ki te Pokapū ā-Rohe, ka whakatikatika i ngā ritenga katoa atu e mau tonu ai te mana whakahaere i aua hapori.
Kei roto, kei ngā Tohu BC nei ngā whakamahuki e rārangi mai ana ko ō te hapori kawatau mō te whakamahi tika i ngā kohinga raraunga ahurea koiora. E arotahi ana ngā Tohu BC nei ki te pūtake tūturu, ki te mārama me te pono i ngā rangahau me tētahi/ētahi hapori iwi taketake. Ko tā ngā Tohu BC hoki, he kawe i te reo o ngā iwi taketake mā roto i te raraunga-rahi, ā, he whakatika hoki i te huarahi whakamua mā ngā kairangahau e tūhono tahi ai rātou, e mahi tahi ai hoki ā tōna wā.
Tōna tikanga, mā ia hapori ngā taipitopito Tohu BC hei whakarite – e hāngai pū ai, e whai horopaki ai hoki ngā Tohu. Kei taua/aua hapori anō rā te mana, ki tēhea reo ngā taipitopito Tohu nei. Engari kē, tē raweketia ngā whakaata Tohu BC. Mā te pērā e mana ai ngā Tohu huri noa i ngā pūnaha whakahaere, i ngā pātaka ipurangi, i ngā paetukutuku, i ngā wāhi/pātaka mau taonga hoki.
Mō ētahi atu kōrero whānui mō ngā Tohu TK, me whakapā atu ki te kāhui Horopaki ā-Rohe.
