Raihana TK

Nō te tau 2008 i rewa ai te whakaaro mō te Raihana TK. I hua ake te ihirangaranga i a Creative Commons (https://creativecommons.org/) me tētahi whiti kōrero me ngā hapori iwi taketake, ko te whāinga, he waihanga i ētahi raihana hou e ea ai ngā hiahia iwi taketake i runga i ō rātou mana mātauranga, mana kōrero. He mea whāngai tēnei kaupapa ki te pūtea a IPinCH (https://www.sfu.ca/ipinch/) me WIPO (http://www.wipo.int/tk/en/), ā, he wāhanga hoki tēnei kaupapa i roto i te pūtea NEH hei waihanga i te Mukurtu CMS (http://mukurtu.org/) mō ngā tikanga ipurangi mātauranga iwi taketake.

Nā wai rā e mahi ngātahi ana me ngā hapori, ka puea ake ngā āwangawanga mō ngā whiti kōrero me te taha tautiaki i ngā taonga tuku iho, o runga o ngā tāngata iwi taketake, hapori iwi taketake rānei, kāore i a rātou te mana mātauranga, mana kōrero hoki. Tērā kē, i ētahi atu te mana. Me te aha, ka huri mātou ki te waihanga i ngā Tohu me ngā Pānui rautaki raraunga-rahi, whakatakoto ture, akoako hoki. Hāunga tērā, kua hoki mātou ki ngā Raihana TK mā te pūtea tautoko a Ngā Pae o te Maramatanga. E kōkiritia ana ngā mahi nei me Te Tari Rangahau o Te Kotahi, ki Te Whare Wānanga o Waikato. Heoi anō, kua tārewa te kaupapa raihana nei mō tōna wā poto, kua anga kē te titiro ki Ngā Tohu me Ngā Pānui. Ka rite ana ngā whakamātautau raihana, ka whakapaohotia te pānui mā tēnei paetukutuku.