Tohu TK
TK Hapū (TK H)
He aha tēnei Tohu e whakamahia ai e koe?
Whakamahia ai tēnei tohu hei whakamōhio i te hunga whakamahi nō waho kē, he here ā-tuari tā tēnei rawa, i runga i te whakapapa o ngā uri o te hapū, iwi rānei, i ngā tikanga rānei o te hapū, iwi rānei. Nā te korenga o ēnei here i manaakitia e te rāwaho i tua whakarere, mā tēnei tohu hei whakamārama ake ngā here tuari, haere ake nei. Inā hoki, ko tā tēnei tohu, he āki i te hunga whakamahi, kia mau i a rātou ngā tikanga taketake ki tēnei taonga, ā, me kaua e poka noa mēnā ka whakamahia e koe tēnei rawa.
He Kupu Tauira
Whakamahia ai tēnei tohu hei whakaatu ake, kāore tēnei rawa i whakamahia whānuitia e te hapori nui tonu i tua whakarere. Ko tā tēnei tohu, he whakamōhio atu i te hunga kaiwhakamahi, nā te mea he rawa tēnei nā tētahi hapū, iwi hoki, he here motuhake tāna mō tōna whakamahinga me tōna tuaritanga. Ehara i te mea he utu kore tēnei rawa, mā te hapori nui tonu rānei i tua whakarere, tae noa mai ki tēnei wā. Ko tā tēnei tohu, he āki i te kaiwhakamahi, kia whai whakaaro ki ngā tikanga, ki ngā uaratanga mō te tuari ki tangata kē me tōna whakamahinga, i runga i ngā tikanga whakamahi i whakatakotoria e ngā hapū, iwi, uri, rūnanga, whakahaere hoki/rānei, nā rātou tēnei taonga.
How to use this Label
Communities can select and customize their Labels through the Local Contexts Hub. Learn more about joining the Hub in our Getting Started Guide. A Label Style and Usage Guide is available on our Downloadable Resources.
