Tohu TK
TK Wā Kaupeka (TK WK)
He aha tēnei Tohu e whakamahia ai e koe?
Whakamahia ai tēnei tohu hei whakamōhio atu i te hunga whakamahi nō waho kē, kua herea te rawa e tuarihia ana, ki ētahi tikanga wā aukati, tikanga whakamahi hoki. Ko te tikanga ia, whakamahia ai, rangona ai hoki tēnei rawa ki ētahi kaupeka noa iho o te tau. Ka whai pānga hoki te taiao me te whenua i toi ai taua rawa ki tōna kaupapa me tōna hiranga. Ko tā tēnei tohu hoki, he whakamārama ki te hunga whakamahi nō waho kē, he akoako ā-whenua tā tēnei rawa e hāngai ana ki tōna whakamahinga tōtika me te āta mārama ki tōna kaupapa.
He Kupu Tauira
Whakamahia ai tēnei tohu hei whakaatu ake, he mea rongo, tiki rānei tēnei rawa i tua whakarere, i tētahi kaupeka noa o te tau hei whakatau i ngā huringa o te taiao i taua wā. Hei tauira ake, tū ngā huihuinga motuhake ki ētahi kaupeka o te tau. E whakamārama ana i roto i tēnei tohu, kotahi tonu te whenua me te mātauranga. Ko tāna hoki, he mau i ngā honohononga i waenganui i ngā rawa me ētahi horopaki i takea mai ai taua rawa, inā hoki, ko āna herenga akoako ngātahi kei roto pū i a ia.
How to use this Label
Communities can select and customize their Labels through the Local Contexts Hub. Learn more about joining the Hub in our Getting Started Guide. A Label Style and Usage Guide is available on our Downloadable Resources.
