Tohu TK
TK Mā Te Hapori Anake (TK MTHA)
He aha koe e whakamahi ai i tenei?
Me whakamahi tēnei tohu hei whakamōhio atu i te hunga whakamahi nō waho kē, kua herea tēnei rawa ki ētahi tikanga tuari, arā, kāore i whakamahia ki tua atu i te whānau, te iwi, te hapori rānei. Nā te korenga o ēnei here i āta mārama i mua, ka mārama ake ināianei i roto i tēnei tohu ki te hunga whakamahi, haere ake nei. Ko tāna, he āki i ngā kaiwhakamahi kia tika te tiaki, kia whai i ngā tikanga ahurea, kia aroha hoki ngā whakaaro ki tō whakamahi i tēnei taonga.
Kupu Tauira mō ngā Tohu TK
Whakamahia ai tēnei tohu hei whakaatu ake, kāore tēnei rawa i whakamahia whānuitia e te hapori nui tonu i tua whakarere. He tohu whakatika pōhēhē tēnei mō te tuaritanga o tēnei rawa, arā, he whakamārama ki te hunga whakamahi, tērā ētahi tikanga motuhake tuari mō tēnei rawa ki roto i te hapori. Ehara i te mea he utu kore tēnei rawa, mā te hapori nui tonu rānei i tua whakarere, tae noa mai ki tēnei wā. Ko tā tēnei tohu, he wero i te hinengaro, ka pēhea tō whakamahi i te rawa nei, me tō whai whakaaro ki ngā tikanga, ki ngā uaratanga mō te tuari ki tangata kē, ki te whakamahi hoki.
