Tohu TK

He taputapu ēnei, arā ko Ngā Tohu Mātauranga Taketake hei whakamahi mā ngā hapori tangata whenua ki te tāpiri ake i ā rātou tikanga whakauru, whakamahi hoki ki ā rātou taonga kua puritia kētia e rātou, e wātea kau ana aua taonga nei hei nanao atu mā te marea i runga ipurangi. He rautaki akoako ngā Tohu TK nei mā te hunga rāwaho, kia mārama ai ki a rātou te hiranga o ngā taonga e whai take tonu nei ki ana hapori, ki ana kaipupuri. Ko tā ngā Tohu TK, he whakamōhio i te hunga whakamahi, ko ēhea ngā taonga, he here ā-hapori e mau ana kia whai wāhi atu ki taua rawa. Inā rā, ka tau ēnei here ki ērā rawa mō ngā rawa tapu, ngā rawa whai here ā-tāne, ā-wahine rānei, ngā rawa here ā-kaupeka, ngā rawa hoki/rānei i hangaia ai hei whakamahi mō ngā kaupapa toro. Ka whakamahia hoki ngā Tohu nei hei tāpiri kōrero anō, tēnā i pōhēhētia kua ‘ngaro’ ētehi kōrero, kaupapa rānei mō tētahi taonga. Arā, ko te ingoa o te hapori, o ngā kaipupuri rānei, nāna taua taonga; ko ngā pārongo whakapā hoki a te whanau hapū, iwi, hapori rānei kia pai ai te tuku tono whakamahi.